Il Paese e la sua Storia

 

     
     
     

Il Comun di Pasian di Prāt si cjate al centri de planure furlane, in provincie di Udin e al č logāt gjeografichementri tra il 46° 02' 35" e i 46° 15' 10" di latitudin Nord dal ecuatōr e tra i 0° 39' 03" e i 0° 45' e 05" di longjitudin a soreli jevāt dal meridian di Rome.

Il teritori comunāl al cjape dentri une  superficie di 15,3 Kmc e al comprent lis frazions di Pasian di Prāt, Colorźt di Prāt, Passons e lis localitāts di Sante Catarine e Cjasemate.

 
   


PASIAN DI PRĀT  

 Il toponim Pasian al ą une origjin antighe e, seont il parź che al concuarde cun tancj studiōs, al č ricondusūt al non  propri latin Pacilius. Naturalmentri no savģn cui che al sei chest Pacilio, ancje se si ą pensāt che al podarčs tratāsi di un colon roman che, jessint deventāt proprietari di diviersis tieris dal puest, al decidč di stabilī la sō dimore dant origjin al abitāt dal cjāf lūc. 

Par chel che al rivuarde lis efetivis origjins di Pasian di Prāt si pues fā riferiment a cualchi repert archeologjic, un di chescj al č vignūt fūr te localitāt di Muris, tra il cjāf lūc e Colorźt, li che tal 1985 a son vignudis a flōr des maseriis romanis; su la spuinde diestre dal Cormōr, no tant lontan de Glesie di Sante Catarine, intal 1907 a forin cjatāts dai rescj funeraris intai vās di crep.

Tornant al toponim "Pasiano", chest al comparģs pe prime volte intal Kodex Supl. 72, conservāt li dal Archivi di Stāt di Viene. Al č un document metūt jł par scrit intal periodi tra il 1076 e il 1084, li che si fās riferiment ae donazion de bande dal cont gurizan Marquardo di Eppenstein, di cualchi proprietāt in Pasian; "Anno domini millesimo decimo nono comes Marquardus pater Ulrici patriarche et Henrici comitis dederunt bona in Paseliano....";  la traduzion: “Tal an 1019 il cont Marquardo, pari dal Patriarcje Ulrico e dal cont Enrico, al doną dai bens a  Pasiano".  Impuartant e je ancje la citazion, che e va indaūr ai 10 di Lui dal 1230 di un ciert Daniel Saltary de Pasilian tra i testemonis di un procčs tignūt inte Badie di Siest. 
Altris citazions di Pasian di Prāt a son stadis cjatadis in diviers documents sucessīfs metūts adun tal Thesaurus Ecclesia Aquileiensis e, a partī dal XIV secul il non al comparģs intai documents simpri plui dispčs.

Dilunc de Ete di Mieē la comunitāt di Pasian e fo sometude ae aministrazion civīl de Badie di Rosacis. Viers il 1420 il Friūl al jentrą a fa part de Republiche di Vignesie cun dut ce che al č sucedūt dopo ancje tal cjamp de vuere.

Propri in ocasion de vuere de Serenissime cuintri de Austrie si ą  notizie di un soldāt origjinari dal cjāf lūc: lis cronichis di fat a citin il non di "Bertossius filius Michaelis, Decani de Pasigliano Prato" che al fo impresonāt il I° di Avost dal 1509 in timp di un combatiment daprūf di Remanzās; pal so riscat a forin domandāts 400 ducāts, une sume une vore grande par chź epoche e dade pal fat che chest « dean » di Pasian di Prāt, al devi jessi stāt une vore abenāt.

Da la metāt dal secul XVI Pasian di Prāt al istituģ une vere e proprie comunitāt rurāl e aministrative, la Vicinie o  assemblee dai Cjāfs di famee, che ogni doi agns al eleieve un Dean; da la definizion di tāl autoritāt al ven fūr il cognon li che vuź al č une vore pandūt intal comun: Degano.

Cheste forme aministrative, che e dipendeve in maniere direte dal Lutignint Venit cun sede a Udin, e continuą fintremai al 1797, an li che l’esercit napoleonic al butą jł il domini de Serenissime; dopo di un curt periodi di dominazion francese, cul Tratāt di Cjampfuarmit, ancje Pasian di Prāt al jentrą intal domini dal Imperi

Austriac fintremai al plebissīt dai 21 e 22 di Otubar dal 1866 che al stabilģ il definitīf passaē al Ream d’Italie.
(torne in principi)



COLORŹT DI PRĀT

La citazion dal toponim "Colloreto de Prato", al comparģ pe prime volte, te sō forme interie, intun document dal 1350. In realtāt la definizion Colloredo si cjate za in cualchi at dal XII secul, dut cās nol č sigūr che tāls citazions a puedin riferīsi al borc che cumņ al fās part dal nestri comun, a cause de omonimie cun altris lūcs dal Friūl, come Colorźt di Montalban.
Sigure, invezit, e je la interpretazion de vōs di Colorźt, che e ven fūr dal tiermin latin de ete di mieē Corylus, ven a stāi
noglār, cul probabil riferiment ae presince di une vore di esemplārs di cheste plante inte zone li che si insediarin i prins abitants. 
Une vore pocjis a son lis notiziis sui reperts archeologjics intal teritori di Colorźt di Prāt, ma al č, in ogni cās, ciert, che la zone e jere bielzą abitade inte epoche dai Romans.
 (torne in principi)

 


PASSONS

Lis origjins di Passons a son di sigūr une vore antighis e a van indaūr probabilmentri ai prins secui d.C. Diviers reperts archeologjics si  cjatarin dilunc dal Votcent, in particolār, al č impuartant marcā che ai 31 di Zenār dal 1885 a vignirin a flōr 12 scheletris su lis rivis dal Cormōr; in ognidun di chescj al veve a flanc un pugnāl. Seont i studiōs no si tratave, dut cās, di sepulturis romanis, ma ben di epoche barbariche.

La prime olme documentarie dal toponim Passons al č, invezit, dai 9 di Dicembar dal 1244. Si trate dal verbāl di un sorelūc, davuelt par ordin dal Cjapitul di Aquilee, intai cjamps logāts tra Culugne e il Cormōr, cul fin di controlā la consistence dai bens di proprietāt dal Cjapitul stes.

Tra presints al sorelūc al jere ancje un ciert Adalprettus de Passono, li che al va ricognossūt il prin paisan che si vebi une testemoneance cierte.

Il document al č riprodusūt culģ a flanc.


Lis circostancis de nassite dal paīs a son, dut cās, afidadis a une liende une vore cognossude. Al somee che in epoche une vore antighe trź fradis, impegnāts intal passon, a bandonarin il lōr paīs dal Bas Friūl, par lā a cirī fortune. Rivāts tal dulintor di Udin, atrats de bielece dal paisaē, in chź volte incontamināt, a deciderin di stabilīsi chenti. Il prin si insedą a Passons, il secont ai Riēs e il tierē a Cjasemate.

Par chel che al rivuarde il significāt dal non di Passons, i principāi studiōs si cjatin dacuardi tal fālu lā indaūr ae vōs latine Pastio-nis, che par talian al significhe “pascolo” cun clār riferiment a lis carateristichis dal teren.
Il studiōs Sguerzi al fās marcā in proposit che inte lenghe furlane e je ancjemņ vive la detule: “Lā a passon”, ven a stāi “andare al Pascolo” e, indalore, la espression “passons” cu la desinence in “s” e fās riferiment a la forme plurāl de peraule e, duncje, Passons e corispuint a “Pascoli”.

(torne in principi)



SANTE CATARINE

La prime comparide dal toponim di Sante Catarine e je tal 1367 intune deliberazion dal Comun di Udin che al autorizave la licuidazion des spesis sostignudis di Dictalmo degli Andreotti e dal nodār Ermanno par un viaē a Aquilee in cualitāt di ambassadōrs de citāt incargāts di domandā al Patriarcje Marquardo di Randeck il permčs  pe istituzion di un marcjāt. Intun prin moment la rispueste dal prelāt e fo negative, ma po dopo – vint ricevūt la fedźl poie dai udinźs inte vuere cuintri di Vignesie – lui al torną su la sō decision, firmant ai 4 di Novembar dal 1380 il decret di concession di un libar marcjāt, sfrancjāt di cualsisei impueste, pe durade di cinc dīs di file, dai 23 ai 27 di Novembar di ogni an.

La viertidure dal marcjāt e vignive declarade dal public banditor e al jere uficiāl dome cuant che il standart  dal Comun di Udin al rivave sul prāt e al vignive tirāt sł su la aste. Dilunc de fiere i cumierēs in citāt a jerin sospindūts fintremai a la sere dai 27 di Novembar, cuant che la bandiere e vignive deponude e i bancs a vevin di jessi subit dismontāts.

I prāts di Sante Catarine a derin bon acet a la fiere e a ‘nt vioderin il grant disvilup fintremai al 1405, cuant che, par  resons di oportunitāt, a consearin di spostāle tal interni des muris de citāt. Di in chź volte, il marcjāt si davuelzč intal cjāf lūc, te Place I di Mai di cumņ che ancjemņ vuź e je la sede di une des fiestis tradizionāls plui ben voludis dai furlans.
(torne in principi)



CJASEMATE

La storie dal nucli abitatīf de Cjasemate, impuartant borc rurāl in mieē a la campagne tra Passons e Colorźt di Prāt, al č leāt a dōs leiendis antighis.

A la prime, relative a la sō fondazion, o vin za dit alc tes notis storichis su Passons; lis origjins dal paisut a saressin duncje peadis -  seont la tradizion – al rivā intes nestris campagnis di trź fradis, li che il plui zovin si fermą intal lūc dal borc di cumņ, che intun prin timp al jere cognossūt cul non di Cjasemate.


Al fo propri chest pastōr a implantā un cjastinār deventāt cul timp bocognon, cuntune circonference cussģ 
largje che – si diseve – par imbraēāle, i volevin siet oms. La plante, come che al risulte di cheste fotografie, e je 
esistude pardabon e e veve cjapat un grant valōr simbolic tant di jessi daspņ rapresentade tal Steme uficiāl dal Comun; ai pīts dal cjastinār, inte origjinarie rapresentazion dal steme a jerin figuradis dōs pioris che a passonavin la jerbe, vuź a son trź rosis che in forme simboliche a rapresentin lis trź frazions dal Comun. 

Une altre liende impuartante e je leade a la vicende dal maēalizi dal Patriarcje Bertrant di Saint Geničs. Di fat ai 6 di Jugn dal 1350, il savi Bertrant, ae etāt di passe novante agns, al steve tornant indaūr di Sacīl cu la sō scorte, 
dopo jessi stāt a Padue, cuant che al vignģ assaltāt a bot e sclop e copāt cun cinc scurtissadis dai soldāts dai conzurāts sul vāt dal Tiliment, a San Zorē da la Richinvelde. Subit dopo al vignģ puartāt a Udin suntun cjār di sclendare tirāt des vacjis e parsore si sentarin ancje dōs prostitudis in segn di dispresit dal cuarp di Bertrant; al somee che il Patriarcje, aromai cence vite, al sei passāt propri pe localitāt di Cjasemate. 
In chest lūc, par memoreā il Passaē dal prelāt, al č stāt tirāt sł, cualchi an indaūr, un piēul monument memoreatīf. 

Discjarie il file pdf relatīf al opuscul informatīf sul restaur dal monument dal Beāt Bertrant

(torne in principi)

traduzion in lenghe furlane di Fausto Zof

torne a la home page


bibliografie: Franco Sguerzi: Pasian di Prato e Santa Caterina (1996), Passons (1987), Colloredo di Prato (1990) volums edits dal Comun di Pasian di Prāt


 
  

Comune di Pasian di Prato -  P.IVA 00477160303
  

  

© Copyright 2000-2017 Comune di Pasian di Prato - Copyright immagini: autori indicati
per la riproduzione di testi e immagini, scrivere una email a:
webmasterpasian.it    -    Note legali   -    Privacy


Home Page | Pasian di Prato Online | Il Comune | Statuto Comunale  | Il Municipio | Consiglio Comunale | Giunta Comunale | Uffici  

Albo Pretorio | P.E.C. | Biblioteca | Indirizzi e Telefoni | Cognomi | Statistiche Mappa Comunale | Associazioni | Meteo | Immagini | Siti interessanti